نصائح في التسويق الالكتروني النصيحة 5-سلسله الايميلات التعليمية
Education Emails
النصيحه الخامسه النهارده من نصائح في التسويق الالكتروني اسمها سلسله الايميلات التعليمية
الناس دايما بتحب تشتغل مع الشركات والمواقع اللي دايما بتساعدهم في حل أغلب مشاكلهم.
واحده من الطرق والنصائح الذهبيه اللي تقدر تتفوق بيها علي منافسيك في المجال اللي بتشتغل فيه.
وكمان تزود قائمه الايميلات لديك وتعلي اهتمام الناس بموقعك وشغلك انك توضح للناس ان انت جاي تعلمهم وتساعدهم في حل مشاكلهم.
وطريقه ممتازه جدا انك تعمل كده عن طريق مثلا انك تعمل كورس مجاني عن طريق الايميل لعملائك اللي عندهم مشكله تخص المجال اللي بتشتغل فيه.
وطبعا دي فرصه عظيمه جدا انك تبني قاعده كبيره من العملاء اللي بيدينوا لك بالولاء لانك ساعدتهم وعلمتهم مجانا ازاي يحلوا مشاكل عندهم.
Education Emails
وطبعا بتديك انت شخصيا فرصه انك تبين انك شخص خبير وشغوف في مجالك
وعلي استعداد لمساعده الناس وتقديم الحلول للمشاكل مجانا.
واكيد طبعا هتبعد عن تفكير عملائك انك شخص مستغل عايز تستولي علي اموالهم فقط عن طريق ترويج بضاعتك.
طيب خلينا ناخد مثال: ده موقع عامل كورس مجاني عن طريق الايميل للموظفين
ازاي يرتبوا اعمالهم وجداولهم وطبعا دي من المشاكل المزمنه عندهم.
مثال موقع كمان عامل عرض للعملاء عن طريق كورس مجاني في كيفيه فهم سيكولوجيه العميل عن طريق الايميل.
طيب ناتي للتنفيذ العملي :
١- حضر مجموعه نصائح هنعملها علي هيئه كورس بس طبعا في مجال عملك والمشاكل اللي بتواجه العملاء في المجال ده
معلش هنتعب شويه وندور علي بعض الكلمات المفتاحيه اللي العملاء بيدورا عليها في تخصصك عن طريقموقع جوجل ادورد .
٢- اعملهم علي هيئه دروس صغيره بس كن حريص انهم لا يزيدوا عن سته دروس
ابدأها بالمقدمه وادخل في عمق النصائح وكن حريص في اخر الدروس انك تقود العميل للسلعه اللي انت بتسوق ليها.
٣- اعمل حمله اعلانيه عن طريق الايميل بآداه شهيره جدا في الرابط ده وتكتب عن الكورس في السوشيال ميديا يعني تحاول تنشر الموضوع بقدر المستطاع.
خليني اقولك مثال من ارض الواقع
تخيل انك بتيبع اكسسوارات للجوالات علي النت تخيل معايا كده لو انا عميل عندك وجالي رساله منك انك عامل كورس علي الميل.
الكورس ده عن دروس في كيفيه العنايه بالموبايل من ناحيه السوفتوير وكمان الهاردوير مجانا.
شعوري كعميل هيكون عامل ازاي وتقدر تقيس المثال ده علي مجالك وسمعونا افكاركم الابداعيه.
Education Emails
